នារសៀលថ្ងៃសុក្រ ទី២៥ ខែតុលា ឆ្នាំ២០២៤ ឯកឧត្តមបណ្ឌិត ម៉ុង ឫទ្ធី ប្រធានគណៈកម្មការទី៣នៃព្រឹទ្ធសភា និងលោកជំទាវ និងឯកឧត្តម សៅ សុភាព រដ្ឋលេខាធិការក្រសួងរៀបចំដែនដី នគរូបនីយកម្មនិងសំណង់ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកស្ទឹងហាវ បានអញ្ជើញចូលរួមពិធីបុណ្យកឋិនទានមហាសាមគ្គីនៅវត្តឫទ្ធីរតនារាម ស្ថិតនៅឃុំកែវផុស ស្រុកស្ទឹងហាវ ខេត្តព្រះសីហនុ ដោយមានការអញ្ជើញចូលរួមពីឧកញ៉ា ម៉ុង ចាន់ថន និងលោកជំទាវ ថ្នាក់ដឹកនាំរដ្ឋបាលស្រុក សមាជិក សមាជិកាក្រុមការងារ ក្រុមប្រឹក្សាឃុំកែវផុស និងប្រជាពលរដ្ឋចំណុះជើងវត្ត។
បន្ទាប់ពីពិធីក្រុងពាលី និងសូត្រមន្តចម្រើនព្រះបរិត្ត ឯកឧត្តមបណ្ឌិតប្រធាន និងក្រុមការងារបានវេរបច្ច័យប្រគេនព្រះចៅអធិការវត្ត ដូចខាងក្រោម៖
-ឯកឧត្តមបណ្ឌិត ម៉ុង ឫទ្ធី និងលោកជំទាវ ឧកញ៉ា ម៉ុង ចាន់ថន និងលោកជំទាវ មានបច្ច័យសរុបចំនួន 4,872,000៛ និងជ្រូក 2ក្បាល
-ក្រុមការងាររាជរដ្ឋាភិបាលចុះមូលដ្ឋានស្រុកស្ទឹងហាវមានបច្ច័យសរុបចំនួន 21,900,000៛
– រដ្ឋបាលស្រុកស្ទឹងហាវមានបច្ច័យសរុបចំនួន 2,265,000៛ និង 100$
សរុបរួមបច្ច័យមានចំនួន 29,037,000៛ និង 100$
